Баян хүн, ядуу Лазар хоёрын тухай өгүүллэг I

Хураангуй

1. Болсон бодит явдал гэж авч үзвэл…

Энэхүү судалгаанд Есүсийн ярьсан баян хүн, ядуу Лазар хоёрын тухай өгүүллэгийг ихэнх итгэгчид “болсон бодит явдал” хэмээн үздэг ойлголтыг шалган авч үзсэн.

« Лук » номын 16-р бүлэг 19 Нэгэн баян хүн байжээ. Тэр нил ягаан өнгийн нарийн нэхсэн маалинган хувцас өмсөж, өдөр бүр найрлан цэнгэдэг байв. 20 Яр шарханд баригдсан Лазар гэгч нэгэн ядуу эр хаалгыг нь сахин хэвтэж, 21 мөнөөх баяны ширээнээс унасан өвдөл цөвдлийг нь идэхсэн хэмээн хүсдэг байжээ. Хажуугаар нь ноход ирж, шархыг нь долоодог байв. 22 Ядуу эр үхсэнд тэнгэр элч нар түүнийг авч Абрахамын өвөр дээр тавьжээ. Баян нь ч үхсэнд түүнийг оршуулав. 23 Тийнхүү тэр Үхэгсдийн оронд тарчлан байхдаа хараагаа дээшлүүлж, тэртээд байгаа Абрахамыг болон түүний өвөр дэх Лазарыг харав. 24 Тэгээд тэр “Абрахам эцэг ээ, намайг өршөөгөөч. Лазарыг нааш нь явуулаач. Тэр хурууныхаа үзүүрийг усанд дүрээд хэлийг минь сэрүүцүүлэг. Би энэ галд амь тэмцэн зовж байна” гэж хашхирахад 25 Абрахам “Хүү минь, чи амьдралынхаа туршид сайн сайхан зүйлээ хүлээн авч байхад Лазар ч тэрчлэн муугаа авсныг санаач. Харин одоо тэр энд тайтгарч, чи тэнд зовж байна. 26 Энэ бүхнээс гадна, эндээс наана чинь очих, наанаас чинь энд ирэхийг хүсэгчдийн хэн ч ирж, очиж үл чадах тийм гүн ангал чи бидний дунд тогтжээ” гэхэд 27 тэр “Эцэг минь, тэгвэл түүнийг миний эцгийн гэрт илгээхийг би танаас гуйя. 28 Би таван дүүтэй. Энэхүү тарчлалын газар тэднийг ирүүлэхгүйн тулд Лазар тэдэнд сануулаг” гэж хэлжээ. 29 Харин Абрахам “Тэдэнд Мосе ба Эш үзүүлэгчид байгаа. Дүү нар чинь тэднийг сонсог” гэхэд 30 тэр “Үгүй, Абрахам эцэг минь, үхэгсдээс хэн нэг нь тэдэн рүү явбал тэд гэмших болно” гэв. 31 Харин тэр түүнд “Хэрэв тэд Мосе ба Эш үзүүлэгчдийг сонсдоггүй юм бол үхэгсдээс хэн нэг нь амилсан ч тэд үнэмшихгүй биз дээ” гэжээ гэв. (Лук 16:19-31)

Судалгаанд “Боломжтой бол шууд утгаар нь ойлгож ав” гэсэн зарчмыг баримталсан.

2. Баян хүн яагаад шийтгэгдсэн бэ?

Баян хүний талаар:

Баян
Үнэтэй хувцас өмсдөг
Өдөр бүр найрлан цэнгэдэг
Том байртай
Нас барж оршуулагдсан
Үхэгсдийн оронд орсон

Түүнийг муу үйл хийсэн тухай тодорхой дурдагдаагүй. Баян байх, сайхан хувцас өмсөх, элбэг амьдрах нь өөрөө нүгэл биш. «Хуучин гэрээ»-нд Абрахам, Исаак, Иаков, Иов, Давид зэрэг олон зөв хүн баян байсан.

Гэхдээ:

“зөв юмыг үйлдэхийг мэддэг хэрнээ үл үйлддэг хүнд энэ нь нүгэл юм” (Иаков 4:17).

Баян хүн Лазарт хангалттай туслаагүй нь түүний буруудсан ганц зүйл гэж дурдагдсан. Гэвч “хийгээгүй зүйлийнхээ төлөө тамд орвол” хэн ч аврагдах найдваргүй болно гэж тайлбарласан.

3. Лазар яагаад сайшаал хүртсэн бэ?

Лазар:

Яр өвчтэй
Ядуу
Хэвтдэг
Нохойтой
Өлсдөг
Баяны хоолны үлдэгдлээр амьдардаг
Нас барсны дараа “Абрахамын өвөр”-т тавигдсан

Лазарыг зөв шударга, итгэлтэй, гуйдаг байсан гэх мэт сайшаасан зүйл огт бичигдээгүй. Арчаагүй ядуу байх нь буян биш гэж онцолсон.

«Хуучин гэрээ»-ний ойлголтоор бол баян нь ерөөлтэй, ядуу нь хараагдсан мэт ойлгогдох байв.

4. Абрахамын өвөр гэж юу вэ?

“Абрахамын өвөр” гэдэг нь:

Шууд утгаар ойлговол биеийн өвөр
Шилжсэн утгаар тайвшралын газар, диваажин гэж тайлбарлагддаг

Гэвч:

Абрахам тэнгэрт амласан зүйлээ хараахан аваагүй (Еврей 11:13, 39-40)
Энэ хэллэг Библийн өөр газар давтагддаггүй
Тэнгэр элч үхсэн хүнийг диваажинд авч явдаг тухай тодорхой сургаал байхгүй

Иймээс “Абрахамын өвөр” бодит газрын нэр байх боломжгүй гэж дүгнэсэн.

5. Үхэгсдийн орон ба үхлийн байдал

«Хуучин гэрээ»-ний дагуу Үхэгсдийн орон бол булш, үхмэл байдал.

“[Xүний] сүнс гарч явдаг бөгөөд тэрээр газар шороо уруу буцдаг. Яг тэр өдөр түүний бодлууд мөхдөг” (Дуулал 146:4).

Үхэгсдийн оронд:

Мэдэхгүй
Санахгүй
Төлөвлөхгүй
Ярихгүй
Хайрлахгүй, үзэн ядахгүй

Гэтэл баян хүн:

Харах нүдтэй
Ярих амтай
Хэл хатсан
Галд шатаж зовж байна
Дүү нараа санаа зовж байна

Энэ нь үхлийн талаарх Библийн тодорхой сургаалтай нийцэхгүй гэж үзсэн.

6. Үхлээс амилалт

“Христ бол анхны үр жимс юм. Дараа нь Христийн хүмүүс Түүнийг ирэхэд амилуулагдана” (1 Коринт 15:23).

Есүсээс өмнө хэн ч үхлээс үхэшгүй биеэр амилаагүй. Мөн:

“Тэнгэрээс доош бууж ирсэн Хүний Хүүгээс өөр тэнгэрт дээш гарсан хүн нэг ч үгүй” (Иохан 3:13).

Иймээс Лазар, Абрахам хэн ч тэр үед тэнгэрт байгаагүй гэж дүгнэсэн.

7. Шүүлт ба шийтгэл

Баян хүн:

Шүүлтэнд ороогүй
Гэтэл тарчилж байгаа мэт дүрслэгдсэн

Гэвч Библид:

Шүүлт тодорхой нэг өдөр болно (Үйлс 17:31)
“Булшинд байгчид бүгдээрээ … гарч ирэх цаг ирж байна” (Иохан 5:28-29)

Муу хүмүүс нас бармагцаа шийтгэгддэг бол:

Дахин амилалтын хэрэг юу вэ?
Цагаан сэнтийн шүүлтийн хэрэг юу вэ?

Эдгээр асуултад хариу үлдэж байна.

8. Дүгнэлт

“Боломжтой бол шууд утгаар нь ойлгож ав” гэсэн зарчмаар дүгнэхэд:

Баян хүн үхлээс амилаагүй атлаа бие махбодтой мэт
Шүүлтэнд ороогүй атлаа шийтгэгдсэн мэт
Лазар хаана, яагаад тайтгарч байгаа нь тодорхойгүй
Үхэгсдийн орон, диваажингийн тухай Библийн бусад сургаалтай зөрчилдөж байна

Иймээс энэ өгүүллэгийг болсон бодит явдал гэж үзэх боломжгүй гэж энэхүү хэсэгт дүгнэсэн.

“Хэрэв та дэлгэрэнгүйг уншихыг хүсвэл PDF file дээр дарна уу.”

Хэрэглэсэн эх сурвалж

Ариун Библи (2004; 2013; 2019). Улаанбаатар: Ариун Бичээс Нийгэмлэг. Gill, J. (1763). Exposition of the Old and New Testaments. Монгол Хэлний Их Тайлбар Толь (2016). Стандарт Монгол Орчуулгын апп (2023). Strong, J. (1890). Strong’s exhaustive concordance of the Bible.

“Хэрэв та дэлгэрэнгүйг уншихыг хүсвэл PDF file дээр дарна уу.”