Үхэшгүй амьтай болох товлосон дэс дараа бий
Хураангуй
“Адам дотор бүгд үхдэгчлэн Христ дотор бүгд амьд болгогдоно. Харин тус бүр өөрийн дараалалтай байна…” (1 Коринт 15:22-23).
Энэхүү судалгаа нь үхэшгүй амьтай болох Библийн төлөвлөгөөг тайлбарласан. Адамын гэмээс болж хүн төрөлхтөн үхэлд орсон бөгөөд “Адам дотор бүгд ҮХДЭГ” нь амьдрал уруудан доройтож, эцэстээ үхлээр төгсөхийг хэлдэг. Харин Есүс Христ загалмай дээр гэм ба үхлийн асуудлыг шийдэж, дахин амилснаар шинэ хүн төрөлхтөнийг эхлүүлсэн.
1. Амилал ба “амьд болгогдох”
Дахин амилалт нь зөвхөн үхлээс босох төдий бус, харин:
“алдар, хүч” дүүрэн бөгөөд хэзээ ч “үл муудах” амьтай болохыг хэлнэ (1 Коринт 15:42-44).
Энэ амьдралд “ялзралын боолчлол” байхгүй (Ром 8:20-23). Есүс:
“Би бол амилал ба амь” (Иохан 11:25).
Лазар дахин амилсан ч дахин үхсэн. Харин ирээдүйн амилалт бол мөхөшгүй амь юм.
2. “Бүгд” гэсэн үгийн хамрах хүрээ
“Адам дотор бүгд үхдэгчлэн Христ дотор бүгд амьд болгогдоно…”
Энд хоёр удаа гарсан “бүгд” нь нэг л эзнийг илэрхийлнэ. “Христ дотор буй бүгд” гэж хэлээгүй. Түүнд бүтээгдсэн, Түүнтэй хамт нас барсанд тооцогддог хамаг хүн төрөлхтөн (Колоссай 1:16; 2 Коринт 5:14) хамрагдана.
3. Авралын жагсаал – гурван үе шат
“Харин тус бүр өөрийн дараалалтай байна.”
“Дараалал” гэдэг нь цэргийн журамтай жагсаал гэсэн утгатай.
3.1 Нэгдүгээр анги — Христ
”…Христ бол анхны үр жимс” (1 Коринт 15:23). “Үхэл цаашид Түүнийг захирахгүй” (Ром 6:9).
Есүс бол дахин амилсан анхны хүн бөгөөд “зөвхөн Түүнд л үхэшгүй мөнх буй…” (1 Тимот 6:16).
3.2 Хоёрдугаар анги — Христийнхэн
“…дараа нь Түүнийг ирэхэд Христийнхэн амилуулагдана” (1 Коринт 15:23).
Итгэгчид бол анхны үр жимсний араас дагах ургацын эхлэл юм.
3.3 Гуравдугаар анги — Бүх дайсан
“Дараа нь бүх удирдлага, эрх мэдэл, хүчийг Тэр хүчингүй болгоод Эцэг Бурханд хаанчлалыг тушаах үед төгсгөл ирнэ… Эцэст нь хүчингүй болох дайсан бол үхэл мөн… Энэ нь Бурхан бүгдэд бүх юм болохын тулд юм” (1 Коринт 15:24-28).
Эцэст нь үхэл өөрөө хүчингүй болно. “Хоёр дахь үхэл”-ээр үхсэн хүмүүс хүртэл (Илчлэл 20:11-15) амилж үхэшгүй амь хүртэнэ.
4. Эвлэрүүлэлт ба ялалтын парад
“газар дээрх эсвэл тэнгэр дэх бүх юмсыг Өөртэйгөө эвлэрүүлэх” (Колоссай 1:20).
Христийн ялалтын үр дүнд бүх зүйл эвлэрнэ. Дайснаа дарах хамгийн сайн арга бол дайснаа найз болгох явдал.
5. Израйлын ургацын баярын дүрслэл
5.1 Анхны үр жимсний баяр
Левит 23:9-14-д тушаасан баяр нь Христийг “анхны үр жимс” гэдгийг дүрсэлнэ. Ургацын дээж нь бүх ургацыг төлөөлнө.
“Өргөл дээж ариун бол үлдсэн нь бүхэлдээ мөн тийм” (Ром 11:16).
5.2 Долоо хоногуудын баяр (Пентекост)
Анхны үр жимсээс хойш тавь хоногийн дараа болдог (Левит 23:15-17). Энэ нь итгэгчдийг билэгдэнэ.
“анхны үр жимс болгон авралын төлөө сонгосон ажээ” (2 Тесалоник 2:13).
5.3 Ургац хураалтын баяр
Намрын баяр нь бүх ургацыг хураахыг дүрсэлнэ (Египетээс гарсан нь 34:22). Энэ нь хүн төрөлхтөний эцсийн “ургац”-ыг илэрхийлнэ.
6. Үхэл ба үрийн жишээ
“Хэрэв улаан буудайн үр газар унаад үхэхгүй бол тэр ганцаараа үлдэнэ. Харин хэрвээ тэр үхвэл олон үр бий болгоно” (Иохан 12:24).
“Тарьдаг нь үхэхгүй бол амилахгүй…” (1 Коринт 15:36).
Үр задран үхсэний дараа шинэ, сүр жавхлантай хэлбэрээр ургадаг шиг хүний бие мөн шинэ, алдар суут биеэр амилна (1 Коринт 15:35-38).
7. Үхлийн бүрэн ялагдал
“Үхэл ялалтад залгигдсан” (Исаиа 25:8; 1 Коринт 15:54).
“Бүү ай. Би бол эхэн ба эцэс бөгөөд амьд Нэгэн мөн. Би үхсэн байсан. Харагтун, Би үеийн үед амьд байна. Надад үхэл ба Үхэгсдийн орны түлхүүр бий” (Илчлэлт 1:17-18).
“тэнгэр газар дээрх бүх эрх мэдлийг” (Матай 28:18).
Есүсийн гарт үхлийн түлхүүр бий. Тогтсон цагт үхэгсдийн орны цоож нээгдэнэ.
8. Христийн амилалтын ач холбогдол
“Хэрэв Христ амилуулагдаагүй бол та нарын итгэл хоосон агаад та нар ч нүгэлдээ байсаар байна… Харин чухамдаа Христ үхэгсдээс амилуулагдсан бөгөөд нойрсогсдын анхны үр жимс мөн. Учир нь үхэл нэг хүнээр ирсэн тул үхэгсдийн амилал мөн нэг хүнээр иржээ. Адам дотор бүгд үхдэгчлэн Христ дотор бүгд амьд болгогдоно. Харин тус бүр өөрийн дараалалтай байна…” (1 Коринт 15:17-22).
Итгэгчийн үүрэг нь Түүний үгийг хүлээн авч итгэхэд оршино.
“Хэрэв та дэлгэрэнгүйг уншихыг хүсвэл PDF file дээр дарна уу.”
Хэрэглэсэн эх сурвалж
Ариун Библи (2004; 2013; 2019). Улаанбаатар: Ариун Бичээс Нийгэмлэг. Gill, J. (1763). Exposition of the Old and New Testaments. Монгол Хэлний Их Тайлбар Толь (2016). Стандарт Монгол Орчуулгын апп (2023). Strong, J. (1890). Strong’s exhaustive concordance of the Bible.
