Онлайн конкорданс ашиглах нь (англи хэлгүй байсан ч хамаагүй)
Библид Берой хотынхон “уужим сэтгэлтэй” гэсэн магтаалыг хүртсэн. Яагаад гэвэл тэд Паулын зарласан үгийн “үнэн эсэхийг мэдэхийн тулд Бичвэрийг өдөр бүр нягтлан үзэж байлаа” (Үйлс 17:11).
Бид нар лав Берой хотынхон шиг байх хүсэлтэй. Таныг ч гэсэн уужим сэтгэлт Берой хотынхныг үлгэр дууриалаа болгоосой гэж хүсэж байна. Энэ сайтад танилцуулсан сургаалыг та шууд хүлээж авах юмуу шууд эсэргүүцэхийн оронд эхлээд өөрөө Библиэр сайтар шалгаарай.
Танд цаасан Библи байхгүй бол Библи апп утсан дээрээ суулгаж болно. “MUBS” гэдэг Ариун Бичээс Нийгэмлэгийн “Ариун Библи”-тэй апп байгаа (2004, 2013, 2019 оны гурван хувилбараар), дээр нь “Библи СМО” гэдэг адилхан нийгэмлэгийн «Хуучин гэрээ»-ний шинэ орчуулга бүхий апп бий.
Аливаа сэдвийг Библи даяар хөөж, тухайн сэдвийн тухай бичсэн бүх мэдээллийг нь олохын тулд коркорданс хэмээх толь үнэлж баршгүй ашиг тус үзүүлнэ.
(Конкорданс хэмээх номд Библид хэрэглэсэн бүх үг цагаан толгойны дэс дараагаар орсон бөгөөд үг бүр хаана хаана гардаг ишлэлүүд номын дарааллаар («Эхлэл» номноос «Илчлэл» ном хүртэл) жагсаасан байдаг. Энэ нь Библийн апп дээр тодорхой үгийн хайлт хийсэнтэй адил. Гэхдээ тийм хайлт мэдээж Библийн тухайн орчуулгаас шалтгаалж өөр өөр ололт гаргана.
Тэрний оронд Библийн эх бичвэрүүдэд орсон еврей ба грек үгийн конкорданс илүү тустай. Яг тэр еврей ба грек үгийн конкорданс www.blueletterbible.org сайтад орсон байдаг. Та англи хэлгүй байсан ч гэсэн тэр конкордансыг ашиглаж болно. Жеймс Стронг гэдэг нэгэн буянт хүн Библи дэх еврей (Hebrew) үг бүрийг H1, H2, H3… гэх зэрэг, грек (Greek) үг бүрийг G1, G2, G3… гэх зэрэг тухайн хэлний цагаан толгойны дэс дараагаар кодчилсон. Бид судалгаан дээрээ авч үзсэн еврей ба грек үгийн кодыг тэмдэглэдэг. Дээрх сайтад та тус кодыг хайлтын цонхонд оруулвал тухайн үг хэд хэдэн англи тайлбарын хамт гарна.
Доош нь гүйлгэвэл тухайн үг Библид хэдэн удаа гардагийг бас заана. Дахин доош нь гүйлгэвэл тухайн еврей буюу грек үг орсон бүх ишлэл Библийн дэс дараагаар жагсаасан байдаг (конкордансны тухайн үгийн тэмдэглэл). Тэдгээр ишлэлийг тэмдэглэн авч монгол Библиэс олж уншиж болно. Еврей ба грек нэг үгийг олон хувилбараар орчуулсан байж болохыг анхаарна уу!
Библийн номын англи нэрийн орчуулгыг доорх жагсаалтаас олоорой.
Уужим сэтгэлтэй танд амжилт хүсье.
Библийн номын англи ба монгол нэрс ба товчлол нь
Жич: Монгол товчлолыг «MUBS» аппаас авав (АБ2019).
Хуучин Гэрээ: Еврей (Стронгийн код H1234)
| Товчлол | Англи нэр | Монгол нэр | М. товч | А. товч |
| Gen | Genesis | Эхлэл | Эх | Gen |
| Exo | Exodus | Египетээс гаргасан нь / Чөлөөлөгдсөн нь / Гэтлэл | Гэт | Exo |
| Lev | Leviticus | Леви / Хууль / Тахилчид | Лев | Lev |
| Num | Numbers | Тооллого | Тоо | Num |
| Deu | Deuteronomy | Дэд дууль / Дэлгэрэнгүй хууль | Дх | Deu |
| Jos | Joshua | Иошуа / Иэхошүа / Ишуугаа | Иош | Jos |
| Jdg | Judges | Шүүгчид / Захирагчи | Шүү | Jdg |
| Rth | Ruth | Рут / Рүүт | Рут | Rth |
| 1Sa | 1 Samuel | 1 Самуел / 1 Шэмүэль / Шимүүлийн дээд | 1См | 1Sa |
| 2Sa | 2 Samuel | 2 Самуел/ 2 Шэмүэль / Шимүүлийн дэд | 2См | 2Sa |
| 1 Ki | 1 Kings | 1 Хаад / Хаант улсын дээд | 1Ха | 1 Ki |
| 2 Ki | 2 Kings | 2 Хаад / Хаант улсын дэд | 2Ха | 2 Ki |
| 1Ch | 1 Chronicles | 1 Шастир / Судрын дээд | 1Шс | 1Ch |
| 2Ch | 2 Chronicles | 2 Шастир / Судрын дэд | 2Шс | 2Ch |
| Ezr | Ezra | Езра / Эзраа | Эзр | Ezr |
| Neh | Nehemiah | Нехемиа / Нийхмайх | Нех | Neh |
| Est | Esther | Естер / Эстээр | Ест | Est |
| Job | Job | Иов | Иов | Job |
| Psa | Psalms | Дуулал | Дуу | Psa |
| Pro | Proverbs | Сургаалт үгс | Сур | Pro |
| Ecc | Ecclesiastes Qoheleth | Номлогчийн үгс Гүн ухаантны үг | Ном | Ecc |
| Sng | Song of Songs / Song of Solomon/ Canticles | Соломоны дуун Дууны дуун | Сд | Sng |
| Isa | Isaiah | Исаиа / Иешаяа / Яашяах | Иса | Isa |
| Jer | Jeremiah | Иеремиа / Иэрмэяа / Яйрмайх | Иер | Jer |
| Lam | Lamentations | Гашуудал / Халаглал / Эмгэнэл | Гаш | Lam |
| Eze | Ezekiel | Езекиел / Иэхэзкэль / Яахизхийл | Езк | Eze |
| Dan | Daniel | Даниел / Данийл | Дан | Dan |
| Hos | Hosea | Хосеа / Хошэа | Хос | Hos |
| Joe | Joel | Иоел / Иоэль | Иое | Joe |
| Amo | Amos | Амос / Амоос | Амо | Amo |
| Oba | Obadiah | Обадиа / Овадиа | Оба | Oba |
| Jon | Jonah | Иона / Ионаа | Ион | Jon |
| Mic | Micah | Мика / Михаа | Мик | Mic |
| Nah | Nahum | Нахум / Нахүүм | Нах | Nah |
| Hab | Habakkuk | Хабаккук / Хаваккүүк | Хаб | Hab |
| Zep | Zephaniah | Зефаниа / Цэфаниа | Зеф | Zep |
| Hag | Haggai | Хаггай | Хаг | Hag |
| Zec | Zechariah | Зехариа | Зех | Zec |
| Mal | Malachi | Малахи | Мал | Mal |
Шинэ гэрээ: Грек (Стронгийн код G1234)
| Товчлол | Англи нэр | Монгол нэр | Товчлол | Товчлол |
| Mat | Matthew | Матай | Мт | Mat |
| Mar | Mark | Марк / Маарх | Мк | Mar |
| Luk | Luke | Лук / Луух | Лк | Luk |
| Jhn | John | Иохан / Иоган | Иох | Jhn |
| Act | Acts | Үйлс / Үйл явдал | Үйл | Act |
| Rom | Romans | Ром | Ром | Rom |
| 1Co | 1 Corinthians | 1 Коринт | 1Ко | 1Co |
| 2Co | 2 Corinthians | 2 Коринт | 2Ко | 2Co |
| Gal | Galatians | Галат | Гал | Gal |
| Eph | Ephesians | Ефес / Эфэс | Еф | Eph |
| Phl | Philippians | Филиппой | Флп | Phl |
| Col | Colossians | Колоссай | Кол | Col |
| 1Th | 1 Thessalonians | 1 Тесалоник | 1Тс | 1Th |
| 2Th | 2 Thessalonians | 2 Тесалоник | 2Тс | 2Th |
| 1Ti | 2 Timothy | 1 Тимот | 1Тм | 1Ti |
| 2Ti | 2 Timothy | 2 Тимот | 2Тм | 2Ti |
| Tit | Titus | Тит | Тит | Tit |
| Phm | Philemon | Филэмон | Флм | Phm |
| Heb | Hebrews | Еврей / Еврейчүүдэд | Евр | Heb |
| Jas | James | Иаков | Иак | Jas |
| 1Pe | 1 Peter | 1 Петр | 1Пт | 1Pe |
| 2Pe | 2 Peter | 2 Петр | 2Пт | 2Pe |
| 1Jo | 1 John | 1 Иохан | 1Ио | 1Jo |
| 2Jo | 2 John | 2 Иохан | 2Ио | 2Jo |
| 3Jo | 3 John | 3 Иохан | 3Ио | 3Jo |
| Jde | Jude | Иуда | Иуд | Jde |
| Rev | Revelation | Илчлэл / Үзэгдэл | Илч | Rev |
(Жич: Англи хэлтэй хүн www.blueletterbible.org сайтын хайлтын цонхонд бас англи Библийн ишлэл оруулж TOOLS ашиглаж үзээрэй. Эсвэл Библиэс хайсан англи үгийг ч оруулж хайж болдог. Энэ сайт бас апп-тай.)